‘‘మాండస్‘‘ తుఫాను 9వ తేదీ అర్ధరాత్రి చెన్నై సమీపంలో మహాబలిపురం దగ్గర తీరాన్ని తాకింది. తదుపరి ఇది తీవ్రవాయుగుండంగా బలహీనపడింది. ఇది 10వ తేదీ రాత్రికల్లా అల్పపీడనంగా బలహీనపడవచ్చు. దీని ప్రభావంగా దక్షిణ ఆంధ్రప్రదేశ్ జిల్లాలలోని తీరప్రాంతాలలో మాదిరి నుంచి బారీవర్షాలు కురుస్తాయి. 10వ తేదీ రాత్రి వరకు సముద్రంలో గాలి వేగం 40 నుంచి 45 కి.మీ వరకు ఉండవచ్చు. అలాగే సముద్రంలో అలల ఎత్తు 7 నుంచి 11 అడుగుల వరకు ఎగిసిపడతాయి. కావున మత్స్యకారులు అప్రమత్తంగా ఉండి డిసెంబర్ 11 వ తేదీ ఉదయం వరకు చేపలవేటకు వెళ్ళరాదని సూచిస్తున్నాము.