ఆగ్నేయ బంగాళాఖాతం లో ఉన్న అసాని‘ తీవ్రమైన తుఫానుగా బలపడింది. ఇది మే 9వ తేదీ ఉదయం 8 గంటల సమయానికి విశాఖపట్నంకు ఆగ్నేయంగా 500 కి.మీ దూరంలోను మరియు పూరీకి 620 కి.మీ దూరంలో ఉన్నది. ఇది వాయువ్య దిశగా ప్రయాణిస్తూ పశ్చిమ మధ్య బంగాళాఖాతంలో 10వ తేదీకి ఉత్తర ఆంధ్రప్రదేశ్ మరియు ఒడిషాల మధ్య తీరానికి చేరువగా వచ్చిన తరువాత మరల వంపు తిరిగి ఉత్తర మరియు ఈశాన్యవైపుగా ప్రయాణించి ఒడిషాలోని తీరానికి చేరే అవకాశం ఉంది. తీరానికి చేరేలోపు తుఫానుగా బలహీనపడే అవకాశం ఉంది. దీని ప్రభావంగా ఉత్తర కోస్తా జిల్లాలలో మాదిరినుంచి భారీ వర్షాలు కురుస్తాయి. అలాగే మే 9 నుండి 11 వ తేదీ వరకు సముద్ర తీరంలో అలలు 8 నుంచి 11 అడుగుల వరకు ఎగిసిపడతాయి మరియు సముద్ర తీరంలో గాలి వేగం 45 నుంచి 55 కి.మీ వేగంతో ఉండవచ్చు. కావున మత్స్యకారులు అప్రమత్తంగా ఉండి మే 12వ తేదీ వరకు చేపలవేటకు వెళ్ళరాదని సూచిస్తున్నాము.