వాయువ్య బంగాళాఖాతంలో ఉన్న ద్రోణి జూలై 23వ తేదీకి అదే ప్రదేశంలో అల్పపీడనంగా మారనుంది. దీని ప్రభావంగా జూలై 21వ తేదీ నుంచి 23వ తేదీ రాత్రి వరకు ఆంధ్రప్రదేశ్ ప్రాంత సముద్రంలో అలల ఎత్తు 7 నుంచి 10 అడుగులు వరకు ఎగిసిపడతాయి. సముద్రంలో గాలివేగం 40 నుంచి 50 కి.మీ వరకు ఉండవచ్చు మరియు రుతుపవనాల చురుకుదనం కారణంగా ఒక మాదిరి నుంచి భారీ వర్షాలు కురుస్తాయి. కావున మత్స్యకారులు అప్రమత్తంగా ఉండి జూలై 24వ తేదీ వరకు చేపలవేటకు వెళ్ళరాదని సూచిస్తున్నాము.