నైరుతి బంగాళాఖాతంలో ఉన్న నివర్ తుఫాను ప్రస్తుతం తీవ్రమైన తఫానుగా మారింది మరియు ఇది పశ్చిమ మరియ వాయువ్య దిశలలో కదులతూ తమిళనాడు పాండిచేరి ప్రాంతాలలో నవంబరు 25 వ తేదీ అర్ధరాత్రికి తీరం దాటే అవకాశం ఉంది. అక్కడ తీరం దాటే సమయంలో గంటకు 120 నుంచి 130 కి.మీ వరకు గాలులు వీస్తాయి. దీని ప్రభావంగా నవంబరు 26వ తేదీ ఉదయం వరకు నెల్లూరు జిల్లాలో గల తీర ప్రాంతంలలలో 70 నుంచి 80 కి.మ వేగంతో మరియు ప్రకాశం, కృష్ణా, గుంటూరు జిల్లాలోని తీరంలలో గంటకు 55 నుంచి 65 కి.మీ వరకు గాలి వేగం ఉంటుంది మరియు ఉత్తర ఆంధ్రప్రదేశ్ లోని తీర ప్రాంతాలలో గంటకు 40 నుంచి 50 కి.మీ వరకు గాలులు వీయవచ్చు. కావున మత్స్యకారులు అప్రమత్తంగా ఉండి నవంబరు 26వ తేదీ వరకు చేపలవేటకు వెళ్ళరాదని సూచిస్తున్నాము.