బంగాళాఖాతంలో ఈరోజు అనగా జూన్ 9వ తేదీన అల్పపీడనం ఏర్పడింది. ఇది మరో 48 గంటలలో మరింత బలపడే అవకాశం ఉంది. దీని ప్రభావంగా అన్ని సముద్ర తీర ప్రాంతాలలో జూన్ 11 మరియు 12 వ తేదీలలో సముద్రంలో గాలివేగం 40 నుంచి 50 కి.మీ వరకు ఉంటుంది మరియు సముద్రంలో అలలు ఉవ్వెత్తున్న ఎగిసిపడతాయి. అలాగే నైరుతి రుతువపనాలు ప్రవేశిస్తున్న కారణంగా భారీ వర్షాలు కూడా కురిసే అవకాశం ఉన్నది. కావున మత్స్యకారులు 11 మరియు 12వ తేదీలలో అప్రమత్తంగా ఉండి చేపలవేటకు వెళ్ళరాదని సూచిస్తున్నాము.