26.7.2019 மாலை 5.30 மணி முதல் 27.7.2019 இரவு 11.30 வரை பேரலைகள் 9-11 அடி உயரத்தில் தென்தமிழக கடற்கரை பகுதிகளில் குறிப்பாக குளச்சல் முதல் கன்னியாகுமரி வரை எழக்கூடும் என இன்காய்ஸ் அறிவுறுத்தியுள்ளது. கடல் மேல்மட்ட நீரோட்டம் வினாடிக்கு 50 - 87 செ.மீ வேகத்தில் காணப்படும். பலத்த காற்று மேற்கு மற்றும் தென்மேற்கு திசையிலிருந்து மணிக்கு 35-45 கி.மீ வேகத்தில் தமிழ்நாடு மற்றும் புதுச்சேரி கடற்கரை பகுதிகளில் வீசக்கூடும். சிறப்பு வானிலை செய்தி 26.7.2019 முதல் 28.7.2019 வரை பலத்த காற்று தென்மேற்கு திசையிலிருந்து மணிக்கு 40-50 கி.மீ வேகத்தில் மேற்கு மத்திய மற்றும் அதையொட்டிய தென்மேற்கு அரபிக்கடல் மற்றும் வடக்கு அரபிக்கடல் பகுதியில் வீசக்கூடும்.அந்தமான் , கேரளா, தென்தமிழ்நாடு மற்றும் இலட்சத்தீவு கடற்கரை பகுதிகளில் வீசக்கூடும். எனவே மீனவர்கள் குறிப்பிட்ட தினங்களில் மேற்கண்ட பகுதிகளுக்கு மீன்பிடிக்க செல்லவேண்டாமென கேட்டுக்கொள்ளப்படுகிறார்கள்