Indian Navy: ఇంటర్ అర్హతతో 'నేవీ' ఉద్యోగాలు ఇండియన్ నేవీ సెయిలర్‌ పోస్టుల భర్తీకి నోటిఫికేషన్ విడుదలచేసింది. దీని ద్వారా సెయిలర్ విభాగంలోని సీనియర్‌ సెకండరీ రిక్రూట్‌, ఆర్టిఫైజర్‌ అప్రెంటిస్‌, మెట్రిక్‌ రిక్రూట్‌ పోస్టులను భర్తీ చేయనున్నారు. ఇంటర్ అర్హత ఉన్న అవివాహిత పురుషులు దరఖాస్తు చేసుకోవడానికి అర్హులు. అభ్యర్థులు ఆన్‌లైన్ ద్వారా దరఖాస్తు చేసుకోవాల్సి ఉంటుంది. నాలుగు దశల్లో అభ్యర్థుల ఎంపిక కార్యక్రమం ఉంటుంది. మొదట రాతపరీక్షలో ఉత్తీర్ణులైనవారు తదుపరి దశలకు అర్హత సాధిస్తారు. మొత్తం ఖాళీలు: 3400 * సీనియర్‌ సెకండరీ రిక్రూట్‌ :- అర్హత: ఇంటర్‌లో మ్యాథ్స్, ఫిజిక్స్‌తోపాటు కెమిస్ట్రీ/బయాలజీ/ కంప్యూటర్ సైన్స్ ఒక సబ్జెక్టుగా చదివి ఉండాలి. నిర్దిష్ట శారీరక ప్రమాణాలు పాటించాలి. వయసు: 01.08.1998 - 31.07.2002 మధ్య జన్మించి ఉండాలి. * ఆర్టిఫైజర్‌ అప్రెంటిస్‌:- అర్హత: 60 శాతం మార్కులతో ఇంటర్‌లో మ్యాథ్స్, ఫిజిక్స్‌తోపాటు కెమిస్ట్రీ/బయాలజీ/ కంప్యూటర్ సైన్స్ ఒక సబ్జెక్టుగా చదివి ఉండాలి. నిర్దిష్ట శారీరక ప్రమాణాలు పాటించాలి. వయసు: 01.08.1998 - 31.07.2002 మధ్య జన్మించి ఉండాలి. * మెట్రిక్‌ రిక్రూట్‌ (ఎంఆర్):- విభాగాలు: చెఫ్, స్టీవార్డ్, హైజినిస్ట్. అర్హత: పదోతరగతి లేదా తత్సమాన విద్యార్హత. వయసు: 01.10.1998 - 30.09.2002 తేదీల మధ్య జన్మించి ఉండాలి. దరఖాస్తు విధానం: ఆన్‌లైన్ ద్వారా. దరఖాస్తు ఫీజు: రూ.205. ఎస్సీ, ఎస్టీ అభ్యర్థులకు ఎలాంటి ఫీజు లేదు. ఆన్‌లైన్ ద్వారానే ఫీజు చెల్లించాలి. ఎంపిక విధానం: ఆన్‌లైన్ రాతపరీక్ష, దేహదారుఢ్య, మెడికల్ టెస్ట్, సర్టిఫికేట్ వెరిఫికేషన్ ఆధారంగా. జీతభత్యాలు: శిక్షణ కాలంలో నెలకు రూ.14,600 స్టైపెండ్‌గా ఇస్తారు. శిక్షణ తర్వాత డిఫెన్స్ పే మ్యాట్రిక్స్ లెవల్-3 కింద రూ.21,700- రూ.69,100 వేతనం ఉంటుంది. ఇతర భత్యాలు కూడా అందుతాయి. ముఖ్యమైన తేదీలు.. ఆన్‌లైన్‌ దరఖాస్తు ప్రక్రియ ప్రారంభం: 14.12.2018. * ఆన్‌లైన్‌ దరఖాస్తుకు చివరి తేది: 30.12.2018. పూర్తి వివరాలకు https://www.joinindiannavy.gov.in/ లో చూడగలరు.